‘Më futi thonjtë në grykë’, flet Robert Budina pas “sherrit” me Laert Vasilin: Të hapen kamerat e Ministrisë së Brendshme

Regjisori i njohur Robert Budina është marrë në pyetje pas akuzave të aktorit Laert Vasili se është dhunuar prej tij dhe disa aktorëve në ambientet e jashtme të Teatrit Kombëtar.

Jashtë dyerve të komisariatit Budina ka mohuar akuzat e aktorit, duke thënë se nuk ka pasur dhunë por vetëm shtyrje, ndërsa e akuzon atë se ka grisur posterat e Avni Delvinës.

Regjisori ka kërkuar hapjen e kamerave të sigurisë së Ministrisë së Brendshme për të vërtetuar apo rrëzuar akuzat e aktorit.

Budina tregoi:

Sapo kishim dhënë një shfaqje me trupën austriake dhe po përcillnim trupën austriake, kur u lajmërova se personi në fjalë grisi parullën tek teatri. Kur shkova, gjeta disa njerëz që konfliktoheshin me aktorin dhe u përpoqa t'i ndaj. Nuk ka pasur dhunë, por vetëm shtyrje. Ai ka pretendimet e veta. Ne duam provat dhe dëshmitë. Ai ka grisur posterat e Avni Delvinës, por lufta jonë nuk është personale siç e paraqet Vasili, është luftë konceptesh. Ai s’ka forcë për ta dëmtuar kauzën tonë. Dhe sa i përket provave le të hapen kamerat e sigurisë së Ministrisë së Brendshme”

Aktori Laert Vasili bëri një postim pas ngjarjes, ku i quajti aktorët e Teatrit Kombëtar, duke akuzuar Robert Budinën se 'i ka futur thonjtë në grykë'. 'Aleanca për Mbrojtjen e Teatrit' mohoi sulmin fizik ndaj tij, duke deklaruar se e kanë mbajtur me forcë për t'ia dorëzuar autoriteteve.

Gjithashtu nga një video tjetër e filmuar nga artistët u pa qartë se Vasili nuk kishte shenja dhune, por k♪7rkonte të shprehte një mllef që nuk dihet kus ia kishte urdhëruar.