Projekt-ligji u mbështet pothuajse nga të gjithë në Senatin Amerikan. Administratës amerikane të ushqimit dhe barnave do t’i duhet rreth 6 muaj për të hartuar rregulloren e re. Agjencia më pas ka tre vjet kohë për të punuar me shtetet amerikane në zbatimin e ndryshimeve.
Për habi, projekt-ligji ka marrë mbështetjen e Marlboro, kompanisë së duhanit Altria dhe gjigantit të cigareve elektronike Juul Labs.
Kritikët e duhanit kanë kërkuar edhe ndalimin e shitjes së cigareve me shije të ndryshme. Ata thonë se mbështetja e kompanive të mëdha të duhanit ndaj ligjit për rritjen e moshës në 21 vjeç bëhet që kompanitë të pretendojnë më pas se nuk ka nevojë për masa të tjera ndaluese.
Numri i duhanpirësve dhe konsumuesve të alkoolit në moshë të re në SHBA ka rënë ndjeshëm gjatë viteve të fundit.
