Burri realizon ëndrrën e rinisë, shkon të bëjë ski për herë të parë në moshën 92 vjeçare

Një burrë, i cili jeton prej vitesh në një shtëpi kujdesi për të moshuarit, ka mundur të bëjë realitet ëndrrën e një jete të tërë. Më në fund, vetëm disa muaj para ditëlindjes së tij të 93-të, i moshuari ka shkuar të bëjë ski.

Në pamjet e publikuara duket Robert Trulocke, i cili është ulur në një karrike të veçantë për të bërë ski. Pas tij qëndron një skiator profesionist, i cili e ndihmon që të rrëshkasë lehtësisht mbi dëborë dhe të mos humbasë ekuilibrin.

92-vjeçari, i njohur si Bob, nga Witney, Oxfordshire, gjithmonë ka dashur të provojë të bëjë ski, duke e cilësuar këtë dëshirë të tij si një ambicje që ka pasur kur ka qenë i ri. Por, për shkak të shumë arsyeve, kurrë nuk arriti të relaizonte këtë dëshirë të madhe, deri në këtë moshë.

Burri shprehet entuziast:

Ishte shumë bukur të bëja ski. Kisha kaq shumë kohë që kisha hequr dorë na gjërat që më bëjnë të lumtur. Dua të falenderoj të gjithë ata që mundësuan realizimin e kësaj ëndrre, veçanërisht ekipin e Snozone dhe miqtë e mi të qendrës ku jetoj. Kalova një ditë të mrekullueshme, të cilën nuk do ta harroj kurrë”.

***

Burim: DailyMail |Përktheu dhe përshtati: JOQ Albania