Orët e vona të pasdites së sotme kanë mbërritur në Tiranë presidenti serb, Aleksandër Vuçiç dhe kryeministri i Maqedonisë së Veriut, Zoran Zaev, në kuadër të të ashtuquajturit "Samiti i Mini-Shengenit Ballkanik".
Nesër paradite rreth orës 10:00, pritet që të zhvillohet një takim mes Ramës, Vuçiç dhe Zaev në ambientet e një hoteli në Tiranë.
Klubi i "Patriotëve të Rinj" ka njoftuar zhvillimin e një proteste gjatë nesër në orën 09:30 para hotelit ku do të zhvillohet takimi, për të kundërshtuar planin e Ramës për "Mini-Shengenin Ballkanik".
Lajmi është bërë i ditur nga aktivisti dhe gazetari, Aulon Kalaja, i cili përmes një njoftimi në rrjetet sociale, e cilëson këtë nismë si krijimin e një "Jugosllavie të re".
Protesta do të zhvillohet nën moton "Për shqiptarët, dielli lind në Perëndim".
Reagimi i plotë:
Edhe pse Shqiperia po kalon nje situate te veshtire, si pasoje e termetit me pasoja te renda te 26 nentorit, me nje bilanc prej 51 jete te humbura, kryeministri Rama nuk e anuloi takimin me Vucic. Keshtu qe me 21 dhjetor, ata do te takohen ne Shqiperi. Vendi dhe ora po mbahen sekret nga stafi i Rames. Edhe pse ne jemi prej 23 ditesh ne terren, afer familjeve te prekura nga termeti, duhet te reagojme per kete tradheti kombetare qe po gatuan Rama, per te ashtuquajturin “Mini-Shengen Ballkanik”, qe nuk eshte gje tjeter vecse nje “Jugosllavi e Re. Po e shpall qe tani, se ne do te organizojme tubim me date 21 dhjetor, dite e shtune. Per vendin dhe oren duhet te prisni nje njoftim tjeter, sepse ende nuk kemi kete informacion. E kemi te drejten morale per te bere proteste sepse jemi patriote shqiptare dhe kemi organizuar tryeza kunder “Mini-Shengenit Ballkanik” neper disa qytete te Shqiiptarise, si Tirane, Shkoder, Elbasan, Gjakove, Fier, Pogradec, Kukes, Berat dhe do te vazhdonim me Vloren me date 27 nentor te muajit qe lam pas, por e nderpreme rrjedhen e tryezave, per arsye se ra termeti. Ne vend qe kryeministri te meret me qytetaret e prekur nga termeti, meret me Vucic dhe Jugosllavine e Re. Kjo eshte nje tradheti tjeter ndaj shqiptareve. Ftojme te gjithe shqiptaret ne proteste. Per shqiptaret dielli lind ne perendim!"
Kujtojmë këtu se, Kosova e ka refuzuar pjesëmarrjen në këtë samit, për shkak të deklarateve të Vuçiç për masakrën serbe të Reçakut, duke e mohuar këtë ngjarje, të cilën e cilësoi si "trillim".
