Profesori dhe akademiku i njohur, Artan Fuga, ka publikuar në faqen e tij në "Facebook", një shkrim ku pasqyron situatën në Shqipëri pas tërmetit të 26 nëntorit.
Sipas Fugës, poshtërimin që na ka bërë tërmeti, nuk na e bënë as 500 vite robëri.
Fuga thekson se videot e bisedave në rrugë dhe shtëpi që po transmetohen në media në formë "tregtie të detyruar", po shkaktojnë një dëm të madh për dinjitetin e popullit tonë.
Ai kërkon që kjo "regji" dhe "fake news", e orkestruar nga ata "që luajnë teatër" të ndalet, pasi mjaft na ka shkaktuar tërmeti, nuk ka nevojë që poshtërimi të shtohet më tej.
Shkrimi i plotë:
Pasqyra që na rrënon dinjitetin. ——————————— Dëmi më i madh i disa videove dhe bisedave a gjysëm bisedave në rrugë a nëpër shtëpi të cilat transmetohen pastaj në televizione ose në ndonjë portal,
është se ata i paraqesin shqiptarët e zgjuar, të mënçur, dhe kritikë,
na paraqesin neve pra
si një popull:
servil, hipokrit, të paditur, të pakulturuar, të nënshtruar, gjysëm debila, madje që nuk dimë as edhe të formulojmë dot as mendime logjike!
Katastrofë e mjerueshme televizive që na ve përpara surratit pasqyrën që na shtrembëron veten tonë,
Sikur e meritojmë Piramidën mbi kokën tonë.
Sa më të rrënuar skllevërit aq më e lartë maja e Piramidës.
Me vjen keq për këtë pamje të llahtarëshme që e shoh për ditë me zë dhe figurë!
Nuk është ky populli im!
Unë e di që ata luajnë teatër, bëj kuvendin sipas vendit, shkëmbejnë pesë lajka me një çadër dimrore!
Tregti e detyruar!
Fake News i llahtarshëm!
Ndaleni këtë rregji se nuk na ka hije!
Lutem!
Na poshtëroi tërmeti aq sa nuk na ka poshtëruar as 500 vjet robëri!
Nuk ka nevojë t’a shtojmë edhe më!
