Gazetari Basir Çollaku ka shpërthyer në akuza kundër kryeministrit Rama, pasi ky i fundit doli live në ERTV me dy fëmijët që i shpëtuan tërmetit, pasi u hodhën nga dritarja.
Në video-transmetimin e kryeministrit, fëmijët u takuan me yllin portugez, Cristiano Ronaldo dhe portierin e famshëm italian, Gianluigi Buffon.
Me anë të një postimi në rrjetet sociale, Çollaku e cilëson këtë si propagandë, ndërsa akuzon Ramën se po bën pazar me vdekjen.
Me të drejtë Çollaku ngre këtë pyetje: Cilët prindër ja dhanë prokurën të merrte të miturit me vete? Kush jua dha lejen, ata prindër fatkeqë të shuar në rrënoja?!!
Reagimi i plotë:
KM që bën pazar me vdekjen… Rama paska bërë hatanë. Dy fëmijë të mbijetuar i ka takuar me Ronaldon dhe Bufon duke pikasur realizim ëndrrash për ta.. Cilët prindër ja dhanë prokurën të merrte të miturit me vete? Kush jua dha lejen, ata prindër fatkeqë të shuar në rrënoja?!! Apo ende pa ikur ditët e mortit, ky nis tallavanë mediatike për vete.. Po fëmijët që sonte për të njëjtat pasoja, flenë në shi, edhe pa çadër, edhe pa strehë, pa ndihmë, pa mbështetje, e ndoshta as për të ngrënë, cilën ëndërr realizojnë? Çfarë përfitojnë nga teatri i Ramës gjithë ditën live në ertv dhe mediat e tjera satelite… Dhe ata presin shokun e Ronaldo-Bufon, apo kryekoncesionarin të bëjë kabull dhe hapë sytë kudo. Nuk hahet propoganda kaq shpifur…KM që bën pazar me vdekjen.. Do ju ndëshkojë Zoti. Ju bëfsha panikun…"
