Tërmeti iu prishi shtëpinë, apeli i 34-vjeçares së sëmurë që jeton me nënën e verbër: Dua një shtëpi të futemi brenda

51 jetë të pafajshme mori tërmeti shkatërrimtar i 26 nëntorit, i konsideruar si tragjedia më e madhe natyrore e dekadave të fundit në Shqipëri.

Ndër të prekurit e lëkundjeve të fuqishme është edhe familja Plaku në Shijak, e cila përbëhet nga 34-vjeçarja Xhuana, e cila ka probleme me shikimin (e verbër në njërin sy) dhe mamaja e saj e verbër, Igballe.

Tërmeti i 21 shtatorit shkaktoi dëmtime në banesën e tyre, ku ekspertët e cilësuajn si të pabanueshme. Xhuana ka humbur babain e saj që në moshën 3-vjeçe, duke e lënë të vetme me mamanë e sëmurë.

Në një lidhje të drejtpërdrejtë për "Top Channel", Xhuana shprehet:

Nuk kishim ku të jetonim, kështu që ndenjëm aty."

Po tërmeti i 26 nëntorit i dha shtëpisë së tyre goditjen finale. Ajo rrëfeu momentin e tmerrit, kur tërmeti për pak sa nuk i zuri brenda.

Ajo tha:

Derisa u ngritëm ne ranë komplet gurë, sepse shtëpia është e pabanueshme ; ranë suvatimet, të gjitha brenda. Dolëm përjashta dhe kaq. Tani na mori çuni i xhaxhait dhe jemi aty, te xhaxhai. Pata frikë se ishte një lëkundje e fortë, mezi hapëm derën, sepse është e vjetër, e dëmtuar. Kanë ardhur ekspertë, e kanë verifkuar, kanë thënë është e pabanueshme, ndërsa shërbim mjekësor jo. Erdhën të komunës na ofruan çadër, por ne nuk jemi për çadër. Unë jam me operim në zemër mami me infarkt."

34-vjeçarja ka vetëm një kërkesë:

Dua një shtëpi të futemi brenda, dua një banesë, kudo që të të jetë.”