“Elisës i kanë grabitur shtëpinë, policia ka fshehur ngjarjen”

Elisa Spiropalit i duhet me patjetër një mandat i tretë. Të paktën ky është mendimi ironik i demokratit Edi Paloka.

Ai ka sqaruar përmes një statusi në Facebook se në fillim të këtij viti, e më konkretisht në muajin janar, Elisës i janë futur në banesë dhe e kanë vjedhur. Paloka nuk bën me dije se çfarë kanë marrë hajdutët nga shtëpia e "të përkëdhelurës" së Ramës.

Demokrati shton se ngjarja nuk është bërë publike, por është fshehur edhe nga policia. Duke qenë se nuk dihet vlera e sendeve që i janë marrë nga banesa, sipas Palokës, Elisa ka nevojë për një mandat të tretë, në mënyrë që të kompensojë humbjet dhe të barazohet me kolegët e rilindjes.

Postimi i plotë i Edi Palokës:

Pse i duhet Elisës një mandat i tretë ? Mos vallë sepse në janar të këtij viti i hynë hajdutët në shtëpi? Po nëse i vodhën shtëpinë, pse nuk ka një denoncim zyrtar në polici?!! Çfarë kanë vjedhur hajdutët në shtëpinë e ministres së Ramës , ish-drejtoreshë e doganave, që nuk e lejon të bëjë denoncim në polici?!! Prandaj i duhet një mandat i tretë, që të “kompensoj humbjet” dhe të barazohet prapë me kolegët?"