Me fakte dhe video-dëshmi: Ja si prodhohet vaji i kanabisit në kushte shtëpie në Shqipëri

Në një kohë kur shteti pretendon se në Shqipëri nuk prodhohet e as tregtohet më kanabis, emisionet televizive denoncojnë gjithmonë e më shumë jo vetëm prodhimin, por edhe përpunimin e kanabisit. Në Top Story është publikuar mënyra se si prodhohet vaji i kanabisit në kushte shtëpie.

Personazhi X është një i ri, i cili ka nisur të merret me këtë punë që në moshë të vogël, për shkak të varfërisë që po kalonte familja e tij. Ai tregon gjithashtu se ky proces, pra prodhimi i vajit të kanabisit është një proces mjaft i thjeshtë, të cilin mund ta bëjë kushdo në shtëpi.

Personi në fjalë shpjegon lehtësisht procesin:

Si fillim marrim boçet e kanabisit dhe i ngrijmë në copa të vogla, për ta përhapur sa më mirë rezinën. Tani pasi kemi copëtuar 100 gr kanabis, duhet të shtojmë një litër alkol, që duhet të jetë mbi 90 gradë e sipër, duhet ta lagim të gjithë, në mënyrë që kanabisi të zhytet. I vëmë kapakun dhe e lejmë gjysmë ore që alkoli të rri bashkë me kanabisin. Pas 30 minutash, bëhet procesi i kullimit. Pasi kullojmë alkolin, e hedhim tek ena për tu zier, në një zjarr të ngadaltë në një temperaturë jo me mbi 150 gradë. Dhe pasi të avullojë alkoli, në fund mbetet vetëm vaji i kanabisit. Procesi zgjatë 2 orë dhe pasi të ftohet është gati për përdorim”.

Personazhi X shton se ka rreth 7 vite që e bën këtë punë dhe se vajin e kanabisit e shpërndan në Shqipëri dhe në vende të tjera. Ai tregon se nuk punon me sasi të vogla, ndërsa shton se si punë e jashtëligjshme nuk është me çmim të ulët, por ka edhe rreziqet e saj.