22-vjeçarja zbulon profesionin e ëndrrave, lë punën në administratë për të filmuar veten duke ngrënë

Të gjithë e dinë se puna perfekte nuk ekziston.

A e keni menduar ndonjëherë sikur të krijoni një karrierë duke filmuar veten teksa hani të gjitha ushqimet tuaja të preferuara?

Pikërisht kjo është ajo që po bën vlogerja 22-vjeçare, Charna Rowley, e cila la punën e saj me kohë të plotë në administratë për të shpërndarë video në rrjetet sociale.

Charna synon të bëhet "ylli" i parë i "Mukbang" në Mbretërinë e Bashkuar, një trend në të cilin njerëzit filmojnë veten duke ngrënë ushqim, ndërsa ndërveprojnë me audiencën e tyre. Ajo duhe të hajë gjithçka që do t'i kërkojnë fansat në kanalin e saj të quajtur Charnation.

22-vjeçarja i provon këto sfida dy herë në javë, para se t'i ngarkojë në llogarinë e saj në platformën e videove, YouTube.

Ajo aktualisht ka mbi 40 mijë shikime në videot e saj dhe afërsisht 5 mijë abonime në rrjetet sociale.

Deri më tani, videoja e saj më e shikuar ka mbi 48 mijë shikime dhe tregon 22-vjeçaren që konsumon ushqim kinez me mbi 5,000 kalori.

Charna u shpreh:

Një nga videot e mia të para ishte ku hëngra dy pica të mëdha, të cilat kishin mijëra kalori. Kam pasur kërkesa tipike nga ndjekësit në Mbretërinë e Bashkuar, kështu që kjo është arsyeja pse kam bërë video duke blerë në McDonald's, Greggs dhe Pizza Hut. Qëllimi im përfundimtar është të provoj dhe realizoj sfidën e 10,000 kalorive."

Ajo ka shpenzuar më pak se 1 mijë paund për të siguruar ushqimin në sfidat e deritanishme, por shpreson të fitojë para nga hobi i saj.

Ndonëse disa njerëz i vunë në dukje peshën dhe i thanë të mos hante aq shumë, Charna tha se ka mësuar t'i injorojë ziliqarët e urrejtësit, dhe të vazhdojë para me hobin e saj, gjë që e ka bërë të ndihet me e sigurtë dhe besimplotë tek vetvetja.

YouTube, përveçse platforma më e madhe e videove në internet, është edhe një mundësi e artë për të bërë para për ata që kanë ide interesante dhe origjinale.

Burimi: Unilad|Përktheu dhe Përshtati: JOQ Albania