Bujqësia vijon të mbetet një nga sektorët më të pazhvilluar të ekonomisë shqiptare, pasi është lënë thuajse në harresë nga qeveria dhe shumë pak, për të mos thënë aspak investime janë bërë.
Jo më larg se dje fermerët e Myzeqesë zhvilluan një protestë ku kërkuan nga qeveria realizimin e 5 kërkesave të tyre, përfshi subvencinimin ndaj tyre. Kjo pasi produktet e fermerëve dhe blegtorëve kanë mbetur stok dhe ata janë të detyruar t'i hedhin nëpër kanale.
Pamjet janë vërtetë të trishta, pasi gjithë mundi dhe sakrificat që ata kanë bërë duke punuar, po iu shkojnë dëm. Bujqësia prej muajsh ka arritur pikën kritike në vendin tonë.
Lidhur me këtë çështje ka reaguar edhe kreu i Partisë Agrare Ambientaliste, Agron Duka.
Ai postoi një video të realizuar 7 vite më parë nga Partia Socialiste në faqen e tij në "Facebook", ku përshkruhej gjendja e Bujqësisë.
Sipas Dukës, "Rilindja" asokohe premtoi se do të bënte ndryshime të rëndësishme në këtë sektor, por kur jemi shtatë vite më vonë, asgjë s'ka ndryshuar, madje fermerët janë në prag të falimentimit.
Ish-deputeti thekson se Bujqësia ndodhet në kolaps, e paorientuar, pa subvenciane dhe pa një program afatgjatë për zhvillim rural.
Postimi i plotë:
