Ekzema, e njohur ndryshe edhe me emrin dermatit, është një gjendje e lëkurës që shfaqet në zonat ku lëkura paloset, si në bërryla apo gjunj, sqetull, ose në hapësirën mes gishtave të këmbës dhe duarve. Kjo sëmundje prek me miliona njerëz në mbarë botën dhe nuk paraqet rrezik për jetën.
Ajo mund të marrë forma të ndryshme, si skuqje, plagë, inflamacion, ose thjesht lëkurë e thatë. Shpesh shfaqet si njolla të kuqe e të plasaritura që kruhen mbi lëkurë.
Ende nuk është zbuluar përfundimisht nga se shkaktohet kjo sëmundje, ndërsa sipas dermatologëve mendohet se shumicën e rasteve ekzema krijohet nga faktorë gjenetikë.
Së fundmi, shkencëtarët kanë zhvilluar një injeksion të ri që përmirëson me sukses lëkurën e pacientëve me ekzemë brenda një muaji.
Rezultatet pozitive erdhën nga një studim i kryer nga shkencëtarët e Universitetit të Oksfordit, i cili testoi ilaçin e ri të quajtur etokimab, mbi 12 pacientë me dermatit atopik, e cila është forma më e zakonshme e ekzemës.
Etokimab sulmon një kimikat në sistemin imunitar të quajtur IL-33, i cili furnizon inflamacionin, duke rekrutuar qelizat imune në vendin e lëkurës së dëmtuar.
Sipas rezultateve të studimit, të cilat u botuan në revistën mjekësore "Science Translational Medicine", 12 pacientët e trajtuar me etokimab pësuan një ulje të simptomave të tyre fizike të ekzemës pas trajtimit.
Pasi u trajtuan për 29 ditë me rradhë, pacientët u rikuperuan në masën 83% nga simptomat e ekzemës.
Duke diskutuar rezultatet, Profesori Graham Ogg, i cili punoi në studim, tha:
Dr Emma Wedgeworth, dermatologe konsulente dhe zëdhënëse e Fondacionit Britanik të Lëkurës, shprehu kënaqësinë e saj për rezultatet.
Ajo tha:
Burimi: Unilad|Përktheu dhe Përshtati: JOQ Albania
