“Shpirt të bukur dhe buzëqeshje të madhe”/ Kush është 17 vjeçari shqiptar që humbi jetën në aksident në SHBA

Një aksident i rëndë i mori jetën dy adoleshentëve ditën e djeshme në New York. Pas aksidentit u mësua se një nga viktimat ishte shqiptar. Altin Nezaj 17-vjeç dhe Saniha Cekic 15 vjeç nuk i mbijetuan dot plagëve të marra dhe si pasojë humbën jetën nga shpërthimi i makinës pas aksidentit.

Nezaj, që humbi jetën në aksident ishte pjesë e një ekipi futbolli në shkollën e mesme “Pearl River” dhe miqtë shprehen se ai kishte një shpirt të bukur dhe buzëqeshje të madhe.

Ngjarja e ndodhur ka shokuar gjithë komunitetin, miq dhe të afërm të viktimave. Shkolla ka ofruar edhe këshillim psikologjik për nxënësit e saj.

Një nga shokët e tij të skuadrës mes lotësh tha:

Edhe pse u deshën disa vite për t’a bindur, kur u bashkua me skuadrën tonë si mbrojtës, ai solli gëzim dhe lumturi për ekipin. Në ndeshjen e fundit rreth 15 herë nuk e lejoi kundështarin të shënonte gol dhe na mundësoi fitoren me rezultatin 34-14. Dje ishte këtu me ne, ndërsa sot nuk është më”.

Autoritetet amerikane janë duke punuar për zbardhjen e shkaqeve të aksidentit. Nga të dhënat e nxjerra konfirmohet se nuk janë gjetur shenja alkooli ose droge.

Burimi: lohud | Përktheu dhe Përshtati: JOQ ALBANIA