Tosti është një prej ushqimeve që preferojmë ta konsumojmë më shumë në mëngjes. Kjo sepse është i shijshëm dhe i përshtatshëm për të nisur ditën.
Recetën bazike të tostit e dimë të gjithë, por ajo që nuk dimë janë disa hile që e bëjnë më të shijshëm.
Nëse përgatisim nga përbërësit e zakonshëm diçka të pazakontë dhe do të kemi kombinim magjik krokant, kore të arta nga jashtë dhe djathë të shkrirë nga brenda.
Mund të themi që ky është hibrid i tostit francez dhe proshutës klasike të sanduiçit me djathë.
Përbërësit
– 4 feta buke për tost
– 2 lugë majonezë
– 1 lugë mustardë
– 4 feta proshutë
– 4 feta mish të tymosur gjeldeti
– 2 vezë
– 240 ml qumësht
– 2 lugë gjalpë
– sheqer pluhur
Përgatitja
Bukën për tost lyeni me majonezë dhe mustardë. Pastaj radhisni djathin, proshutën, mishin e tymosur të gjeldetit midis dy fetave të bukës. Tundni vezët me qumësht dhe në to njomni tostin nga të dy anët.
Nxehni tavën, shtoni gjalpin dhe kur të shkrihet do ta piqni derisa të marrin ngjyrën e artë nga të dy anët. Kur të jetë fërguar, hiqeni nga pjata, priteni në mes dhe lyejeni me sheqer pluhur.
Më të guximshmit mund t’i hedhin sipër mjaltë apo reçel qershie. Shërbejeni sa është e nxehtë.
