Shtatori është muaji ku nis sezoni i ri televiziv, për të gjitha mediat, kombëtare dhe lokale. E gjithë audienca është e përqëndruar tek programet e reja, që nga emisionet, programet, show-t e deri tek spektaklet.
Dy televizonet kombëtare, Top Channel dhe TV Klan, prej kohësh janë vënë në garë për thithur audiencën. Dhe mënyra më e mirë për ta bërë këtë gjë, është pasurimi i programacionit me ide, risi, inovacion dhe teknologji.
Në këtë sezon të ri, Top Channel, nis me 31 programe të reja televizive, ndërkohë TV Klan ka vetëm 17 programe. Pothuajse 1/3 e emisioneve në Top Channel janë produkte të nisura kryesisht dy vitet e fundit. Emisione me peshë të fortë në audience, dhe që shfaqen në prime-time si: Open, Fiks Fare, Top Story, E Diell, Hell’s Kitchen, Top Show, Soire, Portokalli, Dua të të bëj të lumtur, Shiko kush Luan, Gjurmë Shqiptare dhe shumë të tjerë, do të mbërthejnë publikun përpara ekranit të Top Channel.
Ndërkohë TV Klan, po vuan hemoragjinë e largimeve dhe mbylljen e disa emisioneve. Pas largimit të Ermal Mamaqit dhe emisionit të tij Xing për shkak të audiencës në rënie, edhe spektakli “Dance With Me” është drejt dështimit. Disa prej kandidatëve, si Robert Aliaj, Çiljeta dhe Marsela Çibukaj, janë larguar nga spektkali për motive të ndryshme.
Një tjetër emision që nisi me pompozitet, Dublex, dështoi dhe autorët u detyruan ta riformatojnë, duke e kthyer në Kalifornia Show. Pjesë e këtij emisioni të ri do të jetë edhe Marina Vjollca. Kjo e fundit ishte Autore e spektaklit C’est la vie!, gjithashtu i mbyllur për shkak të rënies së audiencës.
Këtë sezon të ri, TV Klan, me daljen nga DIGITALB, ka nisur me rënie të abonentëve. Gjithashtu, ka patur vështirësi edhe me sponsorat televiziv, të cilët nuk kanë shumë alternativa, për të reklamuar mes 17 programeve të TV Klan.
