Lëvizja Socialiste për Integrim ka festuar sot 15-vjetorin e krijimit të saj si forcë politike në Shqipëri.
Aktiviteti u zhvillua në Pallatin e Kongreseve, ku të pranishëm ishin themeluesit e saj, anëtarët e kësaj partie ambasadorë, por nuk munguan as figura të shquara të Partisë Socialiste.
I pranishëm në 15 vjetorin e LSI-së ishte edhe kryeparlamentari, Gramoz Ruçi, i cili është fotografuar teksa diskuton së bashku me Kryemadhin.
Mediat kanë transkriptuar bisedën mes tyre, ku Kryemadhi dhe Ruçi kanë shkëmbyer batuta me njëri-tjetrin.
Biseda:
Monika Kryemadhi: Luli është dhëndër Tepelene. Gramoz Ruçi nuk bashkohet. Është kryetar parlamenti. Kur ta kuptojë Gramozi që duhet të ndërhyjë do të ndërhyjë. 82 ka ky, po të kishte 69 edhe do të ikte. 82 është legjitim.
Ylli Rakipi: Kryetari i Kuvendit tha që është parti parlamentare, e gjitha është lojë kot ajo. Vajza e Azemit aty…Ralfi.
Monika Kryemadhi: Kush ka qejf të përdoret le të përdoret!
Gramoz Ruçi: Ata janë atje sepse i kanë bërë kjo parti, pse si e di ti? Të gjithë! Janë atje sepse i solli kjo parti.
Kryetarja e kësaj force politike, Monika Kryemadhi mbajti një fjalim të gjatë në këtë aktivitet, ku shprehu rëndësinë e LSI-së në arenën politike në vend.
Po ashtu në fjalën e saj, liderja e LSI-së nuk ngurroi të hidhte akuza të rënda ndaj qeverisë "Rama, teksa e cilësoi "Rilindjen" si tradhtaren më të madhe të Shqipërisë.
Në këtë aktivitet festiv mungoi themeluesi i kësaj force politike, Ilir Meta, pasi Kushtetuta nuk ia lejon një gjë të tillë presidentit.
***
Për t’u bërë pjesë e grupit mjafton të klikoni: Join Group dhe kërkesa do t’ju aprovohet. KOMUNITETI JOQ ALBANIA: https://m.facebook.com/groups/komunitetiJOQ/
