Ditën e djeshme Drejtoria e burgjeve i dha leje Kostandin Xhuvanit të marrë pjesë në varrimin e të atit, ish-regjisorit të njohur Gjergj Xhuvani. Në moshën 56-vjeçare ai humbi betejën me një sëmundje të rëndë dhe ndërroi jetë në një spital në Romë.
I riu Xhuvani në shkurt të vitit 2014 tronditi opinionin publik me krimet e tij. Ai është autori i masakrës së katërfishtë që ndodhi në një lokal te “Rruga e Elbasanit”. Ai i mori jetën Edison Jahos, Enea Xhajit, Arbër Demirajt dhe shtetasit italian Gianpaolo Azzola.
Kostandin Xhuvani po vuan dënimin prej 35 vitesh në burgun e Fushë-Krujës dhe ditën e djeshme i është dhënë leja për t’i dhënë lamtumirën e fundit babait të tij.
Ceremonia e varrimit të Gjergj Xhuvanit u mbajt ditën e djeshme në orën 14:00 dhe disa pamje nga familja e pikëlluar janë bërë publike.
Xhuvani i prangosur shoqërohet nga efektivët e policisë. Ai ka kapur duart me mamanë e tij Luiza Xhuvanin dhe me të motrën. Të tre qëndrojnë kokëulur para arkivolit të të ndjerit.
Karriera artistike e Gjergj Xhuvanit
Xhuvani ka qenë një prej regjisorëve më të njohur në vendin tonë dhe ka dhënë një kontribut të madh për kinematografinë shqiptare. Këtë vit pritej dhe premiera e filmit të tij të ri ‘Liqeni im’. Po sëmundja nga e cila vuante e mposhti dhe nuk mundi t’ia dilte as ta çonte deri në fund filmin e tij.
Gjergj Xhuvani ishte i martuar me aktoren e dashur për të gjithë Luiza Xhuvanin. Së bashku ata kanë edhe një vajzë e një djalë, Kostandin Xhuvanin.
***
Për t’u bërë pjesë e grupit mjafton të klikoni: Join Group dhe kërkesa do t’ju aprovohet. KOMUNITETI JOQ ALBANIA: https://m.facebook.com/groups/komunitetiJOQ/
