Mëngjesin e sotshëm policia e Tiranës bëri me dije se është pezulluar aktuiviteti i firmës së hidrokarburee “Gega Oil” dhe është vënë në kërkim administratori i saj, Paulin Gega.
Nga të njëjtat burime u mësua se i sipërpërmenduri është larguar jashtë Shqipërisë ditën e djeshme, pra, një ditë përpara se policia ta shpallte në kërkim.
Mirëpo, sot ka reaguar vetë Paulini.
Ai thotë se ndodhet me pushime në Greqi. Paulini shprehet se pushimet e tij nuk kanë lidhje me asnjë arratisje, pasi edhe me mbylljen e aktivitetit të kompanisë është njohur përmes mediave dhe lajmeve, jo në mënyrë zyrtare.
Administratori i “Gega Oil”, deklaron se kompania e tij është në funksionim dhe ofron shërbimin ndaj qytetarëve, duke hedhur kështu poshtë deklaratën e policisë.
Paulin Gega është shfaqur në media duke deklaruar se kishte ngelur i habitur nga lajmi që po publikohen në të gjitha mediat, pasi ai kishte shkuar në Greqi me pushime dhe nuk ishte arratisur nga vendi.
Ai thotë:
Jemi nisur për pushime verore në Greqi, më datë 09.08,2019, pushime të cilat janë rezervuar rreth dy muaj më parë të një agjenci turistike në rrugën Fortuzi, Tiranë, ku dhe mund ta verifikoni fare lehtësisht.
Sot ndërkohë jemi njoftuar në mënyrë indirekte pas lajmeve që kishin shpërthyer nëpër portale e gazeta të ndryshme, ku pretendohej se administratori i kompanisë Genklaudis sha, ishte larguar qëllimisht për t’iu shmangur përballjeve ligjore.
Ne mund t’ju konfirmojmë që në njërën nga magazinat tona fiskale të shitjes me shumicë, që ndodhet në Vrinë, Durrës, është ushtuar një kontroll para dy ditësh, ku ka pasur një ndërprerje të aktivitetit vetëm për disa orë, me pretendimin se kasat e shitjes ishin të vendosura në regjim manual, pavarësisht se ne posedojmë certifikatën e kalibrimit të regjimit automatik, e lëshuar sipas ligjeve në fuqi nga firma certifikuese e fiskalizimeve A.E Distribution shpk në vitin 2012!
Mbas verifikimeve nga organet kompetente, u bë zhbllokimi i këtij stacioni shitjeje dhe aktiviteti ka vazhduar normalisht. Pra, kompania jonë nuk ka kryer asnjë shkelje apo kundravajtje penale as në aspektin evaziv apo të të ashtuquajturës ‘Fshehje e të ardhurave apo të pasurisë’.
Gjithashtu ju komunikojmë me përgjegjësi të plotë morale dhe korporative që aktiviteti i firmës tonë vazhdon pa ndërprerje në të gjithë Shqipërinë.
Kompania Genklaudis sha është një ndër 10 tatimpaguesit më të mëdhenj në Shqipëri, me mbi 83 stacione shitjetje në të gjithë vendin dhe me mbi 500 punonjës, e gatshme për të vënë në dispozicion çdo dokumentacion kundrejt çdo institucionin shtetëror dhe ligjor dhe të përgjigjet deri në shkallën më të lartë të drejtësisë."
***
Për t’u bërë pjesë e grupit mjafton të klikoni: Join Group dhe kërkesa do t’ju aprovohet.
KOMUNITETI JOQ ALBANIA: https://m.facebook.com/groups/komunitetiJOQ/
