Dje dha dorëheqjen, si u shfaq sot Haradinaj

Pas thirrjes që iu bë për të dëshmuar në Gjykatën e Hagës për të dytën herë, si një prej ish-drejtuesve të UÇK-së, Ramush Haradinaj dha dorëheqjen nga posti i kryeministri të Kosovës.

Në një dalje për mediat gjatë ditës së djeshme, Haradinaj njoftoi dorëheqjen e pakthyeshme, pas përfundimit të mbledhjes me qeverinë.

Përpara mediave, Haradinaj deklaroi:

Sapo e informova qeverinë dhe pastaj do informoj dhe institucionet e tjera dhe partnerët politikë. Kam dhënë dorëheqje të parevokueshme nga funksioni i kryetarit të qeverisë. Pra, nga ky moment jemi në dorëheqje si qeveri. Arsyeja është se jam ftuar që të intervistohem si i dyshuar nga dhomat e posaçme, pra Gjykata Speciale. Javën tjetër do të kem paraqitjen. Nuk mund të paraqitem si kryetar i qeverisë por si një qytetar, si Ramush Haradinaj për të ruajtur nderin e kryetarit të qeverisë dhe të shtetit kam vendosur që është e drejtë të jap dorëheqjen”.

Ditën e sotme, vëllai i tij, Veton Haradinaj, ka postuar një foto në "Facebook", ku shihet së bashku me ish-kryeministrin Haradinaj dhe dy familjarë të tij.

Ajo që vihet re është heqja e kostumit zyrtar nga ish-kreu i qeverisë kosovare dhe shfaqja e tij si "qytetar i thjeshtë".

Edhe pse dha dorëheqjen nga posti i kryeministrit, Haradinaj, gjatë daljes publike për mediat, konfirmoi pjesëmarrjen në zgjedhjet e parakohshme parlamentare, duke u shprehur besimplotë se populli do ta mbështesë sërish.