Një djalë i vogël është mbytur me ushqimin dhe ka vdekur në sy të prindërve të tij, teksa po pushonin në ishujt Kanarie.
8-vjeçari dyshohet se ka pasur probleme me frymëmarrjen teksa po konsumonte një hot dog gjatë një feste spanjolle tradicionale ne Gran Kanaria.
Ai ishte me prindërit në një panair pranë një bari në plazh, në Telde, në perëndim të ishullit, kur nisi të kishte probleme dhe të mbytej pasi kishte nisur të konsumonte ushqimin.
Familjarët dhe të afërmit u munduan ta ndihmonin për ta shpëtuar gjatë festimit të San Juanit, përpara se të mbërrinte ambulanca.
Një orë pasi u munduan ta ndihmonin, ai u shpall i vdekur rreth orës 1 të natës, të ditës diel.
I ati ndodhet në gjendje shoku, pasi pa gjithë skenën e mbytjes së të birit dhe nuk e pranon dot faktin që i vogli ka ndërruar jetë.
Atij dhe mamasë së djalit po i jepet ndihmë psikologjike, pasi kanë qenë të dy dëshmitarë të vdekjes së djalit të tyre.
Pas kësaj ngjarjeje të rëndë, banorët e zonës dhe autoritetet lokale kanë anuluar çdo lloj feste gjatë ditës së diel dhe të hënë.
Flamujt në qytet janë ulur në gjysmë shtizë dhe familjes po i jepet çdo lloj ndihme e mundshme.
Kryebashkiaku Héctor Suárez u shpreh se të gjithëve u vjen shumë keq për këtë që ka ndodhur dhe i japin ngushëllimet më të thella familjarëve.
Burimi: Metro |Përktheu dhe përshtati: JOQ Albania