Një sasi kokaine rekord prej 16.5 ton është kapur nga policia federale në Shtetet e Bashkuara të Amerikës.
Sipas mediave amerikane, nëse lënda narkotike do të hidhej në treg, do të kapte vlerën e mbi 1 miliardë dollarësh.
Mielli i bardhë ishte i futur në konteinerë në brendësi të anijes MSC Gayane, e cila kishte mbërritur në terminalin Packer Marine, këtë të hënë, pasi kishte ndaluar në një port në Kolumbi.
Nga të dhënat mësohet që anija ka bërë ndalime edhe në portet e Perusë, Panamasë dhe Bahamasit, përpara se të përfubndonte në SHBA.
Ekuipazhi i anijes u arrestua nga policia federale dhe hetimet për origjinën e drogës si dhe destinacionin e saj përfundimtar, sapo kanë nisur.
Kjo është sasisa e fundit dhe më e madhja e kapur gjatë këtyre kohëve, teksa bregu lindor i Amerikës është kthyer në një pikëkalimi të lëndëve narkotike.
Në shkurt, doganat në Portin e New Jorkut dhe në New Jersey sekuestruan 3,200 kilogram kokainë, me një vlerë rrugësh prej 77 milionë dollarësh. Kjo ishte sasia më e madhe e parë në port që nga viti 1994.
Burimi: Unilad |Përktheu dhe përshtati: JOQ Albania