U fut në ujërat e lumit i lidhur me zinxhirë, magjistari dyshohet të jetë mbytur

Një magjistar indian, i cili u fut në ujërat e një lumi i lidhur me zinxhirë dyshohet që të jetë mbytur.

Chanchal Lahiri, i njohur ndryshe edhe si 'Jadugar Mandrake' (Magjistari Mandrake) u shpall i humbur pasi vendosi të lidhej e të zhytej kokë poshtë në urat e lumit në Kolkata.

Lahiri u fut në lumë ditën e diel ndërkohë që mbante veshur një kostum ngjyrë të verdhë.

Për fat të keq, 40-vjeçari nuk mundi ta lironte veten nga zinxhirët dhe të dilte sërish në sipërfaqe. Gjithçka ndodhi në sy të njerëzve të pranishëm, mes tyre familjarë të tijët.

Skuadrat e shpëtimit vazhdojnë të kërkojnë në ujë që nga e diela, por ende nuk është gjendur asnjë gjurmë nga magjistari.

Një prej tyre u shpreh se, me shumë mundësi, Mandrake është mbytur.

Jayant Shaw, një fotograf që kishte pasur mundësinë të fliste me të, u shpreh se e kishte pyetur se pse po rrezikonte jetën për magjinë.

Ai i ishte përgjigjur:

Nëse do mund ta liroj veten, do jetë magji, nëse nuk do mundem do jetë tragjedi."

Burimi:Mail Onlie|Përktheu dhe përshtati: JOQ Albania