“E vrava me armën e babait”, kjo është dëshmia tronditëse e Lena Pjollës në sallën e gjyqit

Policia e Shkodrës ka arrestuar ditën e sotme 42-vjeçarin Lush Pjollaj. Ai ishte në kërkim për vrasje të ndodhur që në vitin 2012. Pjollaj ishte dënuar nga Gjykata me 23 vite burg në mungesë, ndërsa lokalizimi i tij u bë në fshatin Vuksanaj të Dukagjinit.

Pjollaj ka vrarë me armë 49 vjeçarin, Marash Tonaj në fshatin Vuksanaj të komunës Shalë në zonën e Dukagjinit në 2012-tën.

Dyshohet se vrasja e ka zanafillën në vitin 2003, ku vëllai i viktimës, Nik Tonaj mendohet të jetë autori i vrasjes së një çifti bashkëshortësh, Nik dhe Lena Pjolla. Ata ishin prindërit e 42-vjeçarit që u arrestua sot nga policia.

Lidhur me vrasjen e ndodhur në vitin 2012 u arrestua edhe motra e Lush Pjollës. Lena Pjolla dyshohet si bashkëpunëtore në ngjarje më vëllain e saj. Lena Pjolla ka dhënë dëshminë e saj në vitin 2012 për vrasjen e Marash Tonajt.

Lena deklaroi në sallën e gjyqit se kishte qenë vetë dëshmitare e vrasjes së prindërve të saj në vitin 2003 duke shtuar se për vite të tëra kishte pritur që të hakmerrej por nuk kishte mundur pasi sipas saj, edhe shteti nuk e kishte arrestuar dot, deklraronte Lena më 17 Shtator 2012 në Gjykatën e Sjhkodrës.

Në deklaratë citohet:

I kam parë vetë duke mi vrarë prindërit pasi isha me to, m’i ka vrarë para syve të mi. Gjithë këto vite kam pritur që të vras Nikën por nuk kam mundur. Kam pritur që shteti ta kapte dhe të bënte burg por as kjo nuk ka ndodhur. Nuk munda më kur i shihja që më kanë vrarë prindërit dhe ishin të lirë.Nuk munmd të duroja më. E kam takuar Marashin në rrugë ditën e ngjarjes dhe kam bërë fjalë me të. Kam shkuar tek shtëpia dhe kam marrë automatikun që i përkiste dikur babanë tim dhe me të kam vrarë Marashin duke marrë gjakun e prindërve.”

Kështu ka deklaruar para trupit gjykues në gjykatën e shkallës së parë në Shkodër, 34 vjeçarja Lena Pjolla ( Guri ) e akuzuar për vrasjen për gjakmarrje të shtetasit Marash Tonaj. ngjarje kjo e ndodhur në Vuksanaj të komunës Shalë në Shkodër, paraditen e 12 shtatorit 2012.

Vetë e akuzuara ka rrëfyer para trupit gjykues se Marash Tonajn 49 vjeç, e ka vrarë pasi vëllai i tij Nikë Tonaj, më 12 korrik 2003 i ka vrarë dy prindërit e saj Nikë e Lula Pjollajn.

Ajo është një ndër 6 fëmijët e çiftit Nikë e Lula Pjolla të vrarë në këtë fshat më 12.07.2003 nga fqinji i tyre Nikë Tonaj pas konflikteve për vijën e ujit. Autori u dënua në mungesë me 25 vjet burgim. Lena Pjolla, nënë e dy fëmijëve, e divorcuar, është vetëdërëzuar në polici duke pranuar vrasjen dhe duke treguar dhe vendin ku kishte fshehur armën e krimit,një zonë e pyllëzuar në fshatin Vuksanaj.

Ajo ka qenë e martuar dhe ka jetuar në Torovicë të Lezhës por është divorcuar dhe pak kohë para se të vetë-dprëzohej në 2012 kishte shkuar tek shtëpia e prindërve në Vuksanaj.

Familja Tonaj, pas ngjarjes së vitit 2003 ishte zhvendosur në fshatin Grudë e Re, ndërsa në Vuksanaj kishin shtëpinë e dikurshme dhe viktima Marash Tonaj shkonte shpesh atje. E pandehura nuk ka shfaqur pendim në atë kohë për atë që ka bërë.