Deliron Rama/ Deklaron se rroga e mjekëve në Shqipëri është më e madhe sesa në Gjermani

Gjatë takimit “Mjekët për Shqipërinë”, kryeministri Edi Rama bëri një deklaratë të habitshme.

E themi këtë pasi Rama tha se Shqipëria një vend me një ekonomi nën zhvillim e sipër u ofron paga më të larta se vendi me ekonominë më të fortë në Europë, Gjermania.

Rama tha nëse një mjek specialist punon jashtë Tiranës, merr bonusin prej 2.5 milion lekë të vjetra. Sipas tij fitimet e mjekëve janë më të mëdha se në Shqipëri, sesa nëse ata punojnë në Gjermani, duke iu hequr taksat.

Rama është shprehur kështu:

Ka një bonos mbi rrogën, 2.5 milionë lekë të vjetra për mjekët specialistë që pranojnë të shkojnë në spitalet jashtë Tirane. Marrin një rrogë, që po të heqim taksat që do të paguajnë po të ishin në Gjermani, është më e madhe sesa në Gjermani. Në xhep ju mbetet më shumë sesa do iu mbetej në Gjermani.’’

Kjo deklaratë e Edi Ramës është pak kontradiktore, pasi shifrat e infermierëve dhe mjekëve shqiptarë, që po largohen drejt Gjermanisë janë shumë të larta, aq sa është dhënë edhe alarmi se Shqipëria rrezikon të mbetet pa bluza të bardha.

Një vit më parë shefi i kardio-kirurgjisë në QSUT, Edvin Prifti e pranoi fenomenin, duke shtuar se në vetëm tre vjet nga Shqipëria janë larguar 550 deri në 600 mjekë.

Ai sqaroi edhe arsyet pse mjekët po zgjedhin ta braktisin vendin për të punuar në një nga vendet e BE, kryesisht në Gjermani.

Prifi tha:

Është detyrë e politikbërësve të hartohen politika që të bëjnë të mundur dhe të dëshiruar punën e mjekëve. Është normale që mjekët do kërkojnë kushte më të mira. Nuk është vetëm faktori ekonomik por erdhe siguria në punë, kushtet e punës, por edhe mënyra si trajtohet mjeku në Shqipëri ku jemi i vetimi vend në Europë që kodi penal e dënon mjekun me burg për mjekim të gabuar."