Burime ekskluzive për JOQ Albania kanë konfirmuar se Ergest Alija nga Librazhdi është shqiptari, i cili ka mbetur i vrarë ditën e djeshme në burgun grek të Trikalasë. Sipas policisë greke, shqipari u qëllua me thikë nga 2 të burgosur rusë.
Mësohet se 29-vjeçari shqiptar pati një debat me rusët jashtë klinikës së burgut, i cili u përshkallëzoi deri në përdorimin e thikës.
Megjithëse rrethanat e krimit ende nuk janë zbardhur plotësisht.
Edhe pse shqiptari u dërgua në spital, sërish nuk mundi që të shpëtonte. Ai kishte marrë plagë të rënda në gjoks, brinjë dhe këmbë. Trupi i tij u dërgua në morgun e spitalit, ku do t’i nënshtrohet ekspertizës mjeko-ligjore.
Ndërkohë prokuroria e Trikallas ka urdhëruar nisjen e një hetimi për ngjarjen e rëndë.
Një kushërirë e largët e shqiptarit që mbeti viktimë në burgun grek ka rrëfyer se prindërit e tij kishin humbur edhe dy vëllezërit e tij më të vegjël kohë më parë e tani dhimbja i ka pushtuar trefish pas humbjes së djalit të madh.
Sipas burimeve për JOQ Albania, një vëlla i tij kishte ndërruar jetë në moshë të vogël e ndërsa vëllai tjetër ka ndërruar jetë në moshën 13-vjeçare pasi ishte prekur nga kanceri.
E afërmja e djalit shkruan:
Kushërira e tij e parë i ka dedikuar një shkrim prekës shqiptarit të ndjerë në Facebook.
Ajo shkruan:
Sipas fottove që postonte në rrjetet sociale, 29-vjeçari ishte i fejuar dhe i dedikonte shkrime dashurie të dashurës së tij të quajtur Patricia.
Kujtojmë se që në fillim të vitit janë regjistruar 5 viktima në burgjet greke, ku katër prejt tyre janë shqiptarë dhe vetëm një grek. Burgjet në Greqi ofrojnë shumë pak siguri dhe për këtë arsye i është tërhequr veshi disa herë nga Gjykata Evropiane e të Drejtave të Njeriut.
Ministria e Jashtme nuk ka ende asnjë reagim në lidhje me këtë ngjarje.