”Mund të jetë vdekjeprurës për organizmin”/ Analizat zbulojnë se uji i ambalazhuar përmban baktere në nivel të lartë

Shqiptarët prej kohësh janë duke konsumuar produkte ushqimore të modifikuara gjenetikisht, të cilat shkaktojnë shumë probleme shëndetësore.

Po ashtu konsumatori shqiptar është i pambrojtur sepse mund të thuhet plotësisht se AKU ka kohë që hesht dhe nuk vepron për të marrë masa ndaj atyre subjekteve që modifikojnë produktet ushqimore, por edhe ndaj atyre subjekteve që tregtojnë produkte ushqimore që u ka kaluar data e konsumit.

E për ta faktuar akoma më tej këtë gjë emisioni ‘’Top Story’’ ka çuar për të analizuar 6 mostra të ujit të ambalazhuar dhe të ujit të rrjedhshëm.

Nga këto dy prej mostrave që janë çuar për analiza kanë rezultuar pozitive, me baktere.

Lidhur me këtë mjeku infeksionist, Tritan Kalo ka thënë se konsumimi i këtij uji shkakton:

Dëmtimet kryesisht i sjellin në tubin tretës, çrregullime gastrointestinale me bark, të vjella dhe diarre të ndryshme, por ka disa nën tipe të “E-coli”-t, ato që quhen “E-coli enteroinvazive”, të cilat mund të shkaktojnë kolite hemorragjike të bashkëshoqëruara më dëmtime renale, në atë që quhet sindromi hemolitik dhe urenik, që mund të jetë vdekjeprurës për organizmin.’’