Që kur deputetët e opozitës dogjën mandatet, mazhoranca është paraqitur e vetme në Kuvend me prurjen e deputetëve të rinj që kanë marrë mandatin e deputetit.
Gjithsesi, megjithëse nuk janë më deputetë, benefitet për statusin e deputetit, opozita do t’i gëzojë edhe për 3 vitet e ardhshme.
Bëhet fjalë për 50% të rrogës që ata përfitojnë pasi kanë dorëzuar mandatet.
11 ish-deputetë të opozitës, duke përfshirë edhe Sali Berishën dhe Monika Kryemadhi, kanë plotësuar në Institutin e Sigurimeve Shoqërore formularin, i cili autorizon përfitimin e një pagese kalimtare, e cila shkon sa 50% e pagës së deputetit.
Krahas Berishës dhe Kryemadhit, formularin në ISSH e ka plotësuar edhe Aldo Bumçi, Andon Frrokaj, Gent Strazimiri, Florjon Mima, Genc Pollo, Dhurata Çipi, Nard Ndoka , Petrit Vasili e Grida Duma.
LIGJI
Sipas ligjit 8097/1996, për “Pensionet Shtetërore Suplementare të Personave që Kryejnë Funksione Kushtetuese dhe të Punonjësve të Shtetit”, në nenin 7, paragrafi i dytë, thekson edhe përfitimin që marrin ish-deputetët pas LIGJI Sipas ligjit 8097/1996, për “Pensionet Shtetërore Suplementare të Personave që Kryejnë Funksione Kushtetuese dhe të Punonjësve të Shtetit”, në nenin 7, paragrafi i dytë, thekson edhe përfitimin që marrin ish-deputetët pas ndërprerjes së mandatit.
“Personave të grupit të parë, që përmenden në shkronjën ‘b’ të pikës 8 të nenit 1, pas largimit nga funksioni, u jepen dy paga mujore të funksionit dhe pas këtyre pagave marrin 50 për qind të pagës referuese bruto, për aq kohë sa kanë punuar në funksione të tilla, por jo më shumë se 3 vjet nga momenti i largimit nga ky funksion”, thuhet në ligj.
Kësisoj, sipas ligjit, të 11 ish-deputetët e opozitës parlamentare kanë të drejtë të marrin gjysmën e rrogës së deputetit për aq kohë sa kanë qenë në Parlament, por jo më shumë se tri vite. Nëpërmjet këtij përfitimi që i garanton ligji, ish-deputetët e opozitës pritet që të marrin gjysmën e pagës deri në vitin 2021, kohë në të cilën do t’u përfundonte edhe mandati në mënyrë të natyrshme po mos t’i kishin dorëzuar, shkruan Paorama. Përfitimi i gjysmës së pagës do të fillojë nga muaji maj pasi ligji parashikon se për 2 muajt e parë të ndërprerjes së mandatit, ish-deputetët marrin dy paga të plota nga Kuvendi.
Opozita i dogji mandatet në datën 21 shkurt kur i dorëzoi edhe zyrtarisht në Kuvend. Rrjedhimisht, deri në 21 prill janë paguar me rrogën e plotë të deputetit. Krahas këtij grupi ish-deputetësh që kërkojnë përfitimin e pagesës kalimtare, një pjesë tjetër e ish-deputetëve të Partisë Demokratike dhe të Lëvizjes Socialiste për Integrim i janë drejtuar Gjykatës Administrative për të marrë rrogat e bojkotit parlamentare që zhvilluan përpara se të digjnin mandatet.
