Para disa ditësh një punëtor humbi jetën në stadiumin "Arena Kombëtare". 40-vjeçari, babai i dy fëmijëve humbi jetën pasi ra nga një lartësi ku ka qenë duke punuar edhe me punëtorë të tjerë. Edhe pse ai është transportuar në spital, N.I., ka humbur jetën pak orë pasi është trasnsportuar në spital.
Kjo ngjarje e rëndë na vë në pikëpyetje sigurinë që kanë punonjësit shqiptarë në punë. E disa ditë pas ngjarjes së rëndë punimet në stadiumin e ri ‘’Arena Kombëtare”, që po ndërtohet në Tiranë, janë pezulluar.
Lajmi u bë i ditur pak minuta më parë nga inspektorja e zyrës së punës Irena Gjoka.
Në këtë mënyrë kompania "Alb Star" është e detyryuar të pezullojë punimet, deri në nxjerrjen e hetimeve të plota për ngjarjen por edhe për kushtet e punës nëse mund të sigurojnë jetën e punonjësve të tjerë.
Vetëm disa orë para ngjarjes së rëndë kryeministri i vendit Edi Rama shprehej entuziast përmes postimit të një fotoje, për ecurinë e punimeve.
Foto Ilustruese
