Pasditen e djeshme Ferdinand Polia u ekzekutua me 20 plumba teksa lëvizte bashkë me një person tjetër, i cili më pas u identifikua si Xhovan Mirashi.
Ferdinand Polia ishte biznesmen dhe në qytetin e Shkodrës, ai njihej si ‘’Nardi i Bujtinave’’, pasi ishte pronar i një bujtine në Theth. Ekzekutimi i tij ndodhi në mes të fshatit Grudë në Shkodër. Ai njihej si një njeri social dhe i dashur, i cili nuk kishte pasur precedentë penal. Mësohet se bashkëshortja e tij është në pritje të ëmbël, por biznesmeni nuk do ta njohë kurrë fëmijën e tij.
Ferdinand Polia ka edhe një fëmijë tjetër të mitur, i cili ka mbetur jetim. Ndërkohë që miqtë e tij janë në gjendje shoku, pasi e kanë të vështirë të besoj se Nardi siç e quanin ata nuk jeton më.
Kujtojmë këtu se ai sipas familjareve dhe miqve s’ka pasur asnjë konflikt, asnjë problematikë me askënd.
Biznesmeni shkodran është vëllai i një personazhi të njohur publik në vendin tonë. E themi këtë, pasi vëllai i tij, Pavlin Polia ka marrë pjesë në ‘’Big Brother’’ në vitin 2009.
