Jurgen Kurti u vra mbrëmjen e së hënës në afërsi të shtëpisë së tij. Ai u qëllua disa herë nga disa persona që zbritën nga një automjet tip Benz dhe më pas u larguan menjëherë nga vendi i ngjarjes.
Kurti njihej ndryshe si menaxheri i VIP-ave, por gjithashtu ishte edhe një element mjaft i njohur për policinë. I riu kishte një numër shumë të madh ndjekësish në rrjetet sociale, ku postonte edhe foto nga jeta luksoze që ai bënte.
Por në profilin e tij në rrjetin social ‘’Instagram’’ ka ndodhur një fenomen i çuditshëm. Para se ai të ekzekutohej në profilin e tij kishte 6,466 ‘followers'.
Pasi ndodhi ngjarja ndjekësit e tij janë rritur në mënyrë të frikshme. E themi këtë, pasi tani në Instragam e tij janë plot 7,410 ndjekës. Pra në profilin e tij në Instagram janë shtuar gati 1 mijë ndjekës.
Ky fenomen është po aq i pashpjegueshëm dhe i frikshëm për aq kohe sa llogaria e tij do të mbetet joaktive.
Kujtojmë këtu se Kurti u akuzua për vrasjen e të atit si dhe vrasjen e një tregtari në Durrës, në të dyja rastet për këto krime u fajësuan persona të tjerë.
