Një italian dhe një shqiptar janë arrestuar nga policia, pasi qëlluan me 11 plumba në drejtim të makinës së ish-pronarit të tyre. Ngjarja është regjistruar mbrëmjen e 17 nëntorit në Albisola Superiore.
Shqiptari i arrestuar është 39-vjeçari Detion Ramaj. Ndërkohë bashkëpunëtori i tij, 40-vjeçari italian, Andrea Riotto u arrestua mëngjesin e sotëm.
Të dy këta persona kërkonin që ish-pronari t'i paguante shumën e 5 mijë eurove. Hetimi ishte mjaft i vështirë, pasi ish-pronari nuk bashkëpunoi me policinë, nga frika e kërcënimeve të njëpasnjëshme.
Sipas mediave italiane, karabinierër kishin frikë, se shqiptari dhe italiani do të shkonin deri te vrasja.
Ndërkohë hetuesit i kanë komunikuar italianit ditën e sotme masën e dënimit me burg.
Mësohet se shqiptari ishte arrestuar edhe më 11 dhjetor, pasi iu gjet një sasi droge.