Kryeministri Edi Rama pak orë më parë në Twitter ka reaguar rreth djegies së mandateve nga ana e opozitës.
Rama e ka krahasuar veten me Juventusin, të cilin sipas tij nga pamundësia për ta mundur, braktisin kampionatin.
Ky krahasim i Ramës rezultoi me një të metë të madhe, duke qenë se historia e Juventus është shenjuar nga skandali i calciopolit, ku ekipin nga Torino, Federata Italiane e Futbollit e dërgoi një kategori më poshtë, për blerje ndeshjesh dhe arbitrash.
Ka qenë analisti Ilir Babaramo, i cili ja ka kujtuar Ramës këtë fakt.
Ai shkruan:
Nuk durohet me Juventusi, te anullohet kampionati, thote Rama me ironi per vendimin e deputeteve te opozites per te djegur mandatet. Ne fakt kam 30 vjet qe nuk shkoj ne stadium, por per nje gje jam i sigurte se cfare i ka ndodhur Juventusit thuajse dhjete vjet me pare. Kishte blere, ndeshjet arbitrat. Ne mos gabohem skandali quhej Calciopoli. Kishte plot pergjime qe u bene publike. Kampionati nuk u anullua. Juventusit i hoqen titullin dhe e zbriten ne kategorine e dyte, ndersa Moggi, filloi të endej si çifuti në shkretëtirë.
Ky Juventusi s'durohet më!Të anullohet kampionati. Kush është mbrapa të djegë fanellat e iki nga fusha.Kjo skuadër e poshtër të heqë dorë nga avantazhi, të mos e bëjë më vetë formacionin dhe të fillojë ndeshjet nga e para!Ndryshe s'ka më futboll, po vetëm e ka kush e ka rrugëve.
— Edi Rama (@ediramaal) February 18, 2019
