E përdhunuan 8 djem, 13-vjeçarja nga Kavaja dëshmon mbi tre orë në Gjykatën e Durrësit

Ngjarja e rëndë e ndodhur para disa ditëve në Kavajë tronditi mbarë opinionin publik shqiptar.

Vajza e mitur nga Kavaja me të cilën abuzuan seksualisht 8 adoleshentë ka dëshmuar në Gjykatën e Durrësit për më shumë se tre orë. Ajo u ka qëndruar pohimeve të saj mbi abuzimin. Dëshmia e 13-vjeçares do të përdoret si prova kryesore ndaj 8 djemve të akuzuar.

Po ashtu prokuroria e Durrësit, ka nisur hetime për Drejtorinë Arsimore Rajonale Kavajë dhe për drejtuesit e Shkollës “Rilindja”, në të cilën ishte nxënëse e mitura.

Deklarata e babait të vajzës së përdhunuar:

Nëse më lejoni dua t'u bëj dhe një thirrje mediave, nëse jam plagosur një herë, ju lutem mos më plagosni sërish. Unë kam mbyllur çdo ekran televizori, çdo ekran Facebook-u, prandaj ju lutmë me shpirt ju mediave, keni fëmijë vet mos ju raft ky rast asnjërit, por ju lutem mbylleni njëherë e përgjithmonë këtë problem. Me lejoni që ta përballoj me forcat e mia dhe me njerëzit e mi që më kanë mbështetur dhe do më mbështesin deri në fund. Ju falënderoj për mirëkuptimin, mos e paçi këtë rriskë, kjo që më ndodhi mua qoftë e para dhe e fundit."