Pasojat e ndryshimeve klimaterike të shkaktuara nga ndotja dhe ngrohja globale kanë nisur të shfaqen njëra pas tjetrës.
Ndërkohë që akulli në Grenlandë po shkrin katër herë më shpejt se në vitin 2003, viti 2019 do të shënojë edhe një rritje të ndjeshme të dyoksidit të karbonit në ajër.
Sipas ekspertëve, temperaturat e larta po sjellin shkatërrimin e pyjeve e ndërsa shpyllëzimi nuk ka të ndalur, ai që do të ndalë së u prodhuari është oksigjeni që bimët lëshojnë në atmosferë.
Përqendrimi i dyoksidit të karbonit në atmosferë pritet të ketë një nga rritjet më të mëdha gjatë vitit 2019, krahasuar me vitin që lamë pas.
Alarmin e kanë ngritur kërkuesit e Met Office, të cilët shpjegojnë se çdo vit karboni natyror i tokës ulet pasi pyjet thithin sasi të mëdha të dyoksidit të karbonit të prodhuar nga aktivitetet njerëzore.
Si rezultat, shkencëtarët thonë se 2019 do të njohë një rritje shumë më të madhe të CO2 se më parë.
