Taulant Muka vazhdon të "gërmojë" në çdo vend doktoraturat plagjaturë. Rasti i fundit që ai ka denoncuar është ai i Marsela Korçari (Bregaj) e cila sipas tij është udhëhequr nga Mynyr Koni dhe Edmond Panariti.
Mukës i ka ardhur në ndihmë edhe studiuesi Vladimir Kola, ku sipas tyre teza e kësaj doktorature, bashkë me përmbajtjen dhe listën e literaturës së konsultuar, është e përbërë prej 98 faqesh, por teksti i saj është prej 76 faqesh nga të cilat, 19 janë te kopjuara (shih faqet 6-8, 10-20 dhe 22-30), që do të thotë se 1/4 (19/76) e tekstit të tezës është e kopjuar.
Reagimi i Mukës:
Vladimir Kola zbulon dhe analizon plagjiaturën e Tezës së Doktoraturës të Marsela Korçari (Bregaj) me udhëheqës shkencorë prof. Mynyr Koni dhe prof. Edmond Panariti, me titull <>, e mbrojtur në vitin 2015, pranë Fakultetit të Shkencave të Natyrës, Universiteti i Tiranës.
Teza në fjalë, gjendet e plotë në internet, në këtë adresë: http://www.doktoratura.unitir.edu.al/…/Doktoratura-Marsela-… .
Kjo Tezë Doktorature, në total, bashkë me përmbajtjen dhe listën e literaturës së konsultuar, është e përbërë prej 98 faqesh, por teksti i saj është prej 76 faqesh nga të cilat, 19 janë te kopjuara (shih faqet 6-8, 10-20 dhe 22-30), që do të thotë se 1/4 (19/76) e tekstit të Tezës është e kopjuar.
Pjesa më e madhe e faqeve të kopjuara është marrë nga një studim i Organizatës Ndërkombëtare “Organizata e Ushqimit dhe Bujqësisë” (FAO, “Food and Agriculture Organization”), i vitit 2004, me titull “Marine biotoxins”, i cili gjendet në internet në këtë adresë: http://www.fao.org/3/a-y5486e.pdf .
Ndërsa pjesa e tjetër, është kopjuar nga një studim i Ministrisë se Bujqësisë, Pyjeve dhe Peshkimit, e Afrikës së Jugut, i vitit 2012, me titull “Mediterranean mussel – Mytilus galloprovincialis”, i cili gjendet në këtë adresë: https://www.nda.agric.za/…/M.%20galloprovincialis%20BRBA%20… .
Duhet theksuar se dy studimet nga ku është kopjuar një pjesë e Tezës së Doktoraturës, nuk janë cituar dhe referuar, as nuk janë vënë në fund të Tezës te “literatura” e konsultuar.
Poshtë gjeni krahasimin e tekstit në shqip dhe në anglisht."
