Ditën e sotme seanca parlamentare u zhvillua sërish me tensione të forta, ku nuk munguan akuzat dhe kundërakuzat ndërmjet dy kampeve politike.
Për shkak të sjelljes së papërshtatshme, Byroja e Kuvendit, vendosi të përjashtojë për dy jave deputetët demokratë, Gent Strazimiri dhe Flamur Noka.
Ndërkohë përsa i përket thirrjeve për armatosje të ish-kryeministrit Sali Berisha, Byroja vendosi t’i tërheqë vëmendje dhe nuk dha asnjë masë për shkak të moshës së tij.
Në të njëjtën kohë janë rrëzuar edhe pretendimet e PD ndaj kryeministrit Edi Rama.
Demokratët pretendojnë se shefi i qeverisë i ka fyer dhe provokuar.
Ndërkohë kujtojmë se një ditë më parë deputeti Endri Hasa u përjashtua me 10 ditë nga kreu i Kuvendit, Gramoz Ruçi, pasi goditi me vezë Ramën.
