Profesori bën për një lek qeverinë: Zgjodhët Boden si arkitekt të falimentimit, uroj mos keni ngrenë drekë

Pas zgjedhjes së ish-ministrit të Financave Ridvan Bode, në Këshillin Mbikëqyrës të Bankës së Shqipërisë, ka reaguar edhe pedagogu aktivisti i Shoqërisë Civile, Ervin Goci.

Në një postim në rrjetin social Facebook, profesor Goci ironizon zgjedhjen e qeverisë. Ai është shprehur se Bode konsiderohej si arkitekti i falimentimit të shtetit nga “Rilindja” në vitin 2013, sot po ata e zgjedhin në Këshillin Mbikëqyrës të Bankës së Shqipërisë, me votat e veta.

Postimi i profesorit Ervin Goci

“E mbani mend arkitektin e falimentimit të shtetit denoncuar nga rilindja në 2013-tën, me një gropë financiare 700 miljon euro? Sot i njëjti individ u zgjodh në Këshillin Mbikqyrës të Bankës së Shqipërisë plot me elozhe me votat e rilindjes. Uroj mos të keni ngrënë drekë akoma.”