Pak muaj më parë gjykata për Krimet e Rënda vendosi të mbyllë përjetë në qeli Sadetin Sulën, pronarin e një mobilerie në fshatin Melgushë të Shkodrës, i cili urdhëroi vrasjen e bashkëshortes së tij Suela Sula.
Bashkëshortja e ndjerë e të pandehurit u gjet e mbytur në tualetin e një mobilierie në pronësi të saj dhe bashkëshortit në 18 prill 2016. Në regjistrimet e bëra në shtator 2015, Sadetin Sula i vinte në dyshim bashkëshortes atësinë e tij tek një prej fëmijëve të çiftit.
Ndërsa në një tjetër regjistrim, pronari i mobilerisë i kërkonte punonjësit të tij Fatjon Karmneshta, t’i bëjë magji bashkëshortes së tij që t’i bindej atij, si dhe i druhej divorcit, pasi mund t’i ndahej pasuria. Rreth një muaj më parë lidhur me ngjarjen e rëndë kanë dëshmuar fëmijët e çiftit dhe deklaratat e tyre janë vërtet rrëqethëse.
Të miturit kanë rrëfyer:
E lagën gjithandej shtëpinë me ujë duke thanë se po largonin xhindet. Të njëjtën gjë bënë edhe me nënën tonë, me shpjegimin se po i largonin shpirtrat e këqij dhe po e qetësonin. Aty ishte i pranishëm babai ynë dhe i akuzuari Fatjon Karmneshta. Ata i hidhnin ujë se sipas tyre kështu mund të bëhej një grua e nënshtruar. Mamaja na shikonte e trishtuar dhe kur e gjitha përfundoi na u lut mos t’i tregonim askujt. Një natë, pasi mbylli punën në biznes, nëna u kthye në shtëpi. Por nuk ia hapen portën, as babai as gjyshi. Ka qëndruar jashtë në shi gjithë mbrëmjen duke qëlluar portën e duke u lutur ta lejonin të hynte. Por ata nuk ia hapen, madje babai ngrinte zërin e televizorit që ne mos ta dëgjonim. E futën vëllain e vogël në një dhome dhe deshën t’i merrnin flokë fshehtas, por aty hyri nëna dhe u kërkoi të bënin ADN në formën e duhur."
Së fundmi kanë reaguar halla dhe gjyshi i tyre të cilët të tronditur e konsiderojnë gjithë këtë një farsë dhe manipulim të fëmijëve nga tezja. Babai i biznesmenit Fadil Sula thyen heshtjen dhe akuzon tezen e fëmijëve se i ka ndarë për së gjalli prej tyre.
Ai ka thënë për GSH.al:
Z.Flutra na i rrëmbeu fëmijët që ditën e fatkeqësisë, i solli pas të shtatave të shoqëruar me polic për të marrë librat dhe teshat e tyre. Nuk mundja më, u ndodha nga njëri moment në tjetrin në shtëpi bosh pa askënd, pa nuse, pa djalin, pa nipërit e mbesën që i rrita unë sepse Sadoja e Suela i dedikonin shumë kohë aktivitetit e unë i çoja e i merrja nga shkolla, bëja me hangër. Më mungonte buzëqeshja dhe përqafimet e tyre prandaj vendosa të shkoj në shkollë. Në hyrjen e brendshme po flisja me drejtorin për të mundësuar takimin me fëmijët, kur mbërrin Flutura (tezja e tyre) me fëmijët dhe i thotë drejtorit me zë të lartë “Mos e len me i taku fëmijët!”.
Ndërsa halla e fëmijëve, Safetja ka thënë se dëshmia e fëmijëve nuk është e vërtetë dhe se fotot e familjes tregojnë që ata jetonin të lumtur.
