“Mos harroni se ka një Zot që nuk fal”, myftiu i Shkodrës reagon pas atentateve mafioze

Mytiu i Shkodrës, imam Muhamed Sytari ka reaguar pas ngjarjeve kriminale në Shkodër.

Syrtari pranoi se fajdet dhe korrupsioni po mbajnë peng të ardhmen e qytetit, ndërsa inauguroi xhaminë e re tek Ura e Vjetër e Bunës.

Ai gjithashtu u shpreh se kriminelët mund t'i shpëtojnë policisë, por nuk do munden t'i shmangen Zotit.

Imam Muhamed Sytari u shpreh:

Sot nuk e kam një apel për qeverinë sepse ajo do të gjykohet ditën e zgjedhjeve, por e kam për ata që vrasin, marrin një jetë. Mos harroni ju mund t’i shpëtoni policisë, drejtësisë, mund të jeni të lirë pas një krimi, por mos harroni se ka një Zot që nuk fal marrjen e një jete."

Shkodra kohët e fundit është goditur nga krimi, ku vetëm në 5 muaj plot 6 persona janë vrarë në mënyrë mafioze.