Detaje të reja janë zbuluar rreth ekzekutimit të gazetarit arab, Jamal Khashoggi në konsullatën e Arabisë Saudite në Stamboll.
Jamal u vra në mënyrë makabre brenda konsullatës ku ishte i vetëdijshëm se diçka po përgatitej kundër tij. megjithatë ai vendosi të hynte në derën nga e cila s’do dilte më i gjallë.
Por kush e urdhëroi vrasjen e tij dhe pse po fshihen arsyet e një ekzekutimi makabër me ngjyra politike?
Khashoggi hyri në konsulatë në 2 Tetor, për të marrë dokumentacionin që i duhej për t’u martuar me të fejuarën e tij turke. Sipas provave të mbledhura nga hetuesit e të publikuara nga media të ndryshme ndërkombëtare, editorialisti i Uashington Post, është torturuar, vrarë dhe shpërfytyruar brenda ndërtesës, për shkak të kritikave të tij ndaj regjimit në Riad.
Vrasja e tij u krye nga një skuadër ekzekutimi që kishte ardhur nga Arabia Saudite me qëllimin për ta vrarë. Pasi Arabia Saudite pranoi, se Khashogi kishte ndërruar jetë brenda konsullatës, burime kanë thënë për Skay News se trupi i tij i pajetë ishte prerë në disa copa dhe ishte shpërfytyruar totalisht.
Mendohet se Khashoggi po planifikonte të botonte të dhëna se ushtarët sauditë kanë përdorur helme të forta kimike si fosfori i bardhë në luftën në Jemen.
Një nga bashkëpunëtorët e tij më të afërt ka dëshmuar:
