Në çdo cep të rrugëve të njohura në Tiranës ndodh që të jenë fëmijët e vegjël rom të cilët kërkojnë lëmoshë.
Këto pamje të trishta, mund të na bëjnë të ndihemi keq, por ky problem social i cili ka edhe efekte të tjera më të thelluara, nuk është shuar kurrë pavarësisht se vitet kalojnë.
Ka nga ata kalimtarë të cilët u ofrojnë të holla fëmijëve që të prekin në shpirt me pamjen e tyre të trishtë dhe rrobat e grisura, por ka edhe nga ata të cilët ndiejnë bezdi nga prezenca e të vegjëlve dhe nuk preferojnë t’u japin para.
Një djalë i cili ka një vizion të së ardhmes për vendin tonë shumë më të lartë dhe aspak në standardet e këtij shteti që është tani, shprehet se kjo nuk është Shqipëria që do.
Ai e ka etiketuar si “Luli i Vocërr”, një djalë të vogël rom i cili po lyp në rrugët e Tiranës. I riu ka një mesazh për të gjithë.
Djali shkruan:
Pershendetje JOQ, jam një Shtetas i këtij Territori të quajtur Shqipëri, por që nuk i ngjan aspak Shqiperise që do të dëshiroja të ishte (Mendim i shumë e shumë Shqiptarëve besoj). Kjo nuk është Shqipëria ime.
Rastësisht po kontrolloja për nje adresë përreth zonës se Myslym Shyrit nëpërmjet Google Maps-it dhe u shtanga nga kjo pamje që do tju dërgoj.
Luli i Vocërr në Versionin Modern të 2018, nje Realitet aq i hidhur por edhe Dëshpërues dhe i Trishtueshëm në të njejten Kohë.
Do të doja shumë ta ndihmoja (me aq mundësi sa kam/pasi nuk jam Deputet e as Politikan) këtë Vogëlush edhe pse e di që është Praktikisht e Pamundur ta gjej Emrin e tij dhe vendndodhjen. Më anë të këtij Postimi tek faqja juaj e madhe do të doja shumë të Përcillja nje Mesazh Sensibilizues:
Kudo që të shikoni Femijë në këtë gjëndje të Mjerueshme, Ndihmojini sado pak, s'ka Rëndësi vlera monetare, mbrapsh Ne do mund të marrim... Shikimin plot Dashuri dhe Mirënjohje të Fëmijëve.
Ju Falenderoj juve si Staf, por edhe cdo Person që pas Leximit të këtij Postimi do marri Iniciativën e të Vepruarit./ JOQ
