Ish-ministri i Brendshëm Saimir Tahiri që kur u largua nga politika publikon shpesh foto në natyrë, duke ngjitur male, apo si në rastin e sotëm duke kalëruar.
Mirëpo disa imazhe të publikaura ditën e sotme kanë marrë vëmendje mediatike dhe politike.
Partia Demokratike ka vëzhguar shalën e kalit ku ka hipur Tahiri dhe sipas saj kushton plot 7.500 euro.
Deklarata e Partisë Demokratike, n/kryetari Edi Paloka:
Ju prisni që Tahiri do të përballet me drejtësinë dhe të dënohet për faktin se e ktheu policinë në hamalle droge të Habilajve?!
Ish-ministri i kushërinjëve të drogës, nuk e ka fare shqetësim daljen nesër para gjykatës.
Madje ai e sfidon drejtësinë, duke shaluar mbi 7.500 euro mbi kalë…
Shala mbi të cilën relaksohet Tahiri, në internet nuk blihet dot më lirë se 7.500 euro.
Prisni më kot drejtësi për ministrin e Habilajve, ai drejtësinë e ka shaluar!
Ja dhe adresa ku mund të gjeni edhe ju një shalë me çmim të kripur, që ish-ministri ia lejon vetes madje edhe publikisht…
***
Linku i bashkëngjitur deklaratës së PD-së, sipas së cilës në këtë faqe është blerë shala 7.500 euro.
