Ndarja e aktorit të Portokalli-së Rezart Veleshnja nga e fejuara e tij, grimierja Pranvera Metolli, në maj të vitit të kaluar ishte një lajm që përfshiu faqet e gazetave dhe u përfol gjatë.
Ata ishin të fejuar prej dy vitesh dhe dukeshin të lumtur me njëri-tjetrin, por sikundër aktori i humorit tha në atë kohë ishin ndarë për arsye pune dhe mospërputhje oraresh.
Që prej asaj kohe Rezarti nuk është se ka “vuajtur” shumë për ta kaluar periudhën e pas ndarjes. Kjo pasi vetëm disa muaj më vonë, në janar të këtij viti, aktori i Portokallisë deklaroi se kishte gjetur “gruan e jetës”, se ajo ishte mjeke dhe kishte jetuar prej 20 vitesh në Gjermani.
Madje aktori publikoi disa foto nën shoqërinë e saj ndërsa ai i kishte shkuar në Gjermani. Por sigurisht ato u fshinë pak kohë më pas.
Ditët e fundit Rezarti është përfolur sërish për një lidhje, sigurisht në kuadër të humorit me prezantuesen Ori Nebijaj. Mirëpo ndonëse mediat rozë e theksonin se bëhej fjalë për një shaka që kishte bërë aktori, ai ka vendosur të dalë publikisht e të tregojë atë që vërtet i ka rrëmbyer zemrën. Të paktën për momentin.
Ai ka publikuar një foto me një vajzë bionde teksa janë duke udhëtuar me makinë.
Në diçiturë Rezarti shkruan:
Mirëpo nuk kanë zgjatur disa minuta dhe postimi është fshirë nga llogaria e tij. Nuk dihet nëse ishte kjo nga një mosmarrëveshje me vajzën në fjalë apo aktori nuk ishte gati për ta prezantuar të dashurën e re. Epo, paç fat kësaj here Rezart./ JOQ.al
