Kopjon shëmtuar poezinë e Kadaresë dhe e paraqet si të vetën, pedagogia e famshme fëlliqet keq

Për të gjithë ata që njohin modelen e njohur Oriola Marashi me siguri njohin dhe nënën e saj Zoje Jakaj apo Xhoi Jakaj, siç ajo paraqitej.

Xhoi Jakaj ka qenë drejtoreshë e burgut të grave në Tiranë dhe aktualisht njihet si pedagoge në Universitetin Bujqësor të Tiranës dhe në degën e Biologjisë në UT.

Mirëpo pak ditë më parë një postim i saji në facebook, ka irrituar ndjekësit që janë të shumtë. Xhoi kishte publikuar një poezi, që ngjasonte shumë me poezinë "Kristal" të Ismail Kadaresë. Ndjekësit e kanë akuzuar pedagogen e shkencave se poezia në fakt është plagjaturë, mirëpo ajo ka këmbëngulur se poezia është e veta. Madje thotë se as nuk e ka lexuar ndonjëherë poezinë e Kadaresë.

Në reagimin e saj Xhoi i përgjigjet një prej kritikeve:

Poezia është e imja e dashur. Madje as lexuar nuk e kisha këtë poezi të Kadaresë. Fati do ndoshta që delli im në poezi po ikën drejt atij dhe vjen në formën time. Të përshëndes dhe se kuptova, ishte thumb apo kompliment, por si do që të jetë për mua nuk ka problem. Ty të respektoj se një tjetri nuk i kthej përgjigje fare."

Përgjigjja e saj ka nxehur më shumë ndjekësit të cilët e kanë sulmuar ashpër me komentet dhe kjo e ka detyruar pedagogen më pas që të heqë postimin.

Ata i kanë shkruar se si mundet një pedagoge të mos ketë lexuar poezinë e përfaqësuesit më të madh të letërsisë shqiptare në botë, i cili ka krijuar vepra të mëdha, madhështia e të cilave nuk zbehet nga koha.

Për më tepër Xhoi njihet edhe si autore e disa librave si dhe është personazh publik pasi del shpesh në media.