Kryesisht prej strategjive të tyre të marketingut, pothuajse të gjithë mendojnë se Apple dhe Samsung janë markat më të mirë ta celularëve. Por, gjithsesi mund të ekzistojnë pajisje të tjera, që nuk kanë aq shumë publicitet sa dy markat më të përmendura, që mund të jenë shumë më cilësore.
Në një analizë të kryer rreth kamerave, DxOMark ka dalë në përfundimin se Huawei Mate 20 Pro mund të ketë kamerën më të mirë se çdo telefon deri më tani, njofton Tech Radar.
Themi ‘mundet’ sepse Mate 20 Pro nuk është shpallur ende, dhe as nuk ka rezultatin e tij DxOMark. Por dikush në Weibo (blogun e famshëm kinez) ka postuar një imazh, duke treguar rezultatet për një numër të telefonave të rinj dhe të ardhshëm, dhe Huawei Mate 20 Pro merr vendin e parë me një rezultat prej 116.
Kjo është shtatë pikë më lartë se sa rezultati i dytë i lartë me 109, i arritur nga Huawei P20 Pro, por pasi Mate 20 Pro ka të ngjarë të ketë një version të përmirësuar të kamerës së këtij telefoni, është e besueshme.
Natyrisht, çdo gjw duhet marrw me rezerva pasi imazhi mund të jetë i montuar lehtësisht dhe burimi (me emrin Communication Old Willow) nuk është dikush i njohur, edhe pse ka një listë të madhe ndjekësish në Weibo.
