“Çohu o Grei se po të vijnë dajot”, mesazhi prekës i aktores për 23 vjeçarin e vrarë

Grei Frashëri është 23-vjeçari nga Fieri, i cili u gjet i vrarë me armë zjarri pranë banesës së tij në New York.

Mediat në SHBA bëjnë me dije se janë ende mister shkaqet e kësaj vrasjeje, ndërsa kanë vënë në dispozicion një shumë prej 2500 dollarësh për këdo që ka informacion mbi atentatorin.

Grei ishte nipi i bashkëshortit të aktores së humorit, Delinda Zhupës. Ajo i ka kushtuar disa reshta në rrjetet sociale djalit të ri, duke i kërkuar atij të çohet, ndërsa shton se gjithçka i duket si një film aksion.

Mes dhimbjes, Delinda shkruan:

O Grei çohu se po të vijnë dajot o Grei. Po ne e kishim bërë plan t’i dilte Eldos viza e të vinim, të të takonim e të shkonim të tre në Hollywood. O Grei kthej përgjigje Eldos o Grei, pse u largove kaq shpejt pa na takuar me mall, po ti ike si një gangster siç doje vet dhe ëndërroje të ishe me ëndrrat e moshës tënde. Ike vërtet ndonëse ishte gjithçka si një film aksion, po ti duhet të ishte në shtëpi, ta tregoje si një ëndërr të keqe atë që kalove dhe jo të ikje. O Grei, pse mo Grei, o Greiii na dëgjo. Grei jemi aty shpirtërisht"