“Kur isha i ri çaja detin, të rinjtë e sotëm…”, qytetarët hakërrehen: Ça është kjo punë?!

Është ndër emisionet më të vjetra në ekran dhe për shumë familje është bërë një pjesë e pandashme e mëngjesit, ku shumë qytetarë e gjejnë veten teksa telefonojnë Bashkim Hoxhën dhe shprehin pakënaqësitë e tyre ndaj realitetit në vend.

Të shqetësuar nga fakti se si askush nuk proteston në Shqipëri, ose protestohet shumë pak, qytetarët ditën e sotme kanë bashkëbiseduar me Hoxhën lidhur me këtë fenomen. Ndoshta të nisur edhe nga fakti se si të gjithë bënë kompromis me blerjen e dekoderave dy ditët e fundit dhe askush nuk u ngrit në protestë, ata pyesin se si ka mundësi që nuk protestohet.

Pra, ata që duhet të protestojnë pyesin të tjerët pse nuk protestohet...

Një qytetar tha përmes telefonit në emisionin “Koha për t’u zgjuar”:

Shikoj një rini jo rini. Unë po arrij të 50-tat kur isha i ri çaja detin e malit. Se di pse nuk çohen në protesta. Jemi pa punë, pa të ardhura, shteti kërkon, nam këtë, nam atë. Askush nuk proteston, ca është kjo punë.”

Një tjetër u shpreh:

Populli nuk ka besim më në politikë ndaj nuk ngrihet dhe s’ka sindikata për t’i ngritur. Nuk funksionojnë!”

E si gjithmonë, nuk mungon kujtesa për ndarjen e pabarabartë të pasurisë:

Këta thonë s’kemi lekë për ju por për vete për të shëtitur botën ka. Për ne që punuam një jetë nuk kanë. Na lanë 3 ditë pa dëgjuar lajmet, pa dëgjuar gazetat. Ç’e dua unë dekoderin, unë 100 mijë lekë marr.”