Në fund të shekullit të 15-të, Leonardo da Vinçi krijoi një pikturë murale – “Darka e Fundit”. Ishte pjesë e një plani për të restauruar kishat e Milanos. Piktura murale përshkruan skenën e Darkës së Fundit të Jezusit me dymbëdhjetë dishepujt e tij, kur Jezusi njoftoi se njëri prej tyre do ta tradhëtonte.
Prej shekujsh kjo pikturë ka qenë një enigmë, si pjesa më e madhe e pikturave të tijpor së fundmi një interpretim nga studiuesja italiane, Sabrina Sforza Galitzia, ka risjellë në vëmendje këtë pikturë duke dhënë një version të pazakontë dhe të frikshëm disi.
Ajo shprehet se në pikturën e tij Da Vinçi, ka fshehur një kod që parashikon fundin e botës.
Në këtë pikturë, sipas saj, thuhet se fundi do të vijë më 21 mars 4006.
Për të arritur në këtë përfundim, studiuesja deshifroi kodin matematikor dhe astrologjik të pikturës.
Ky nuk është misteri i vetëm i “Darkës së Fundit” të Da Vinçit. Duart e Krishtit dhe apostujt, së bashku me fetat e bukës në tryezë, formojnë diçka që mund të lexohet si një notim muzikor.
Pas testimit, këto nota muzikore tingëllojnë si një melodi e shkurtër.
