Pushimet me të dashurin iraniane në Iran i kanë kushtuar vendin e punës ministrit suedez të Peshkimit, Per Sandberg.
Ministri kishte vizituar Iranin pa informuar më parë shërbimet e Kryeministrit dhe kishte marrë me vete edhe telefonin e punës.
Per Sandberg dha dorëheqjen ditën e hënë (13 gusht) pasi ka thyer rregullat e sigurisë, teksa shoqërohej nga e dashura e tij, e zgjedhur si Miss Irani.
Numri dy i Partisë së Progresit, Sandberg, 58 vjeç, pranoi se ka vizituar Iranin në korrik me të dashurën e tij Bahareh Letnes, 28 vjeçe.
Ky udhëtim ka rrezikuar që 58-vjeçari të ekspozohet tek spiunët iranianë, megjithëse e dashura e tij ka mohuar të ketë lidhje me qeverinë islamike të Iranit.
Por, Inteligjencia norvegjeze ka filluar hetimin për aktivitetin e saj në Norvegji, ku menaxhon një biznes eksporti të peshqve.
Sakaq, kryeministrja Erna Solberg tregoi se ka urdhëruar ish-ministrin Sandberg të dorëzojë telefonin e tij në polici për t’iu nënshtruar kontrolleve të sigurisë.
Përveç postit si ministër, Sandberg, ka dhënë edhe dorëheqjen nga pozitat e zëvendësit udhëheqës nga Partia e Progresit.
