Kanceri i gjirit futet tek ato lloje tumoresh që nëse kapen në kohë mund të mos rezultojnë fatal për jetën.
Statistikat tregojnë se përhapja e kancerit të gjirit është 1 në 8 femra por, mund të paraqitet edhe te meshkujt me shkallë më të ulët të rrezikut 1 në 100 raste.
Thelbësore për të shpëtuar nga kjo sëmundje është parandalimi dhe zbulimi që në kohë të hershme.
Sipas mjekëve, disa nga simptomat e para të kësaj sëmundje janë:
Rritja e ndjeshmërisë së thithave
Ju mund të ndieni disa ndryshime në nivelin e ndjeshmërisë tek zona e thithave.
Ndieni një gungë apo një gjëndër
Në rast se duke kontrolluar veten me prekje ju ndodh të ndieni një gjëndër apo madje edhe një fryrje pranë sqetullës, mos u frikësoni, por kini parasysh se është kambanë alarmi që nuk duhet nënvlerësuar.
Lëkurë si lëvozhgë portokalli
Mund të ndodhë që lëkura e gjirit ose e thithave të duket e fryrë, e kuqe ose si lëvozhgë portokalli. Por gjithashtu është e mundur që edhe forma dhe përmasat të ndryshojnë, për shembull thithat mund të futen brenda. Edhe në këtë rast duhet të shkoni sa më parë te mjeku.
Gjoks i fryrë
Në këtë rast, duhet të shqetësoheni nëse nuk keni dhimbje, por evidenton se gjoksi është rritur dhe fryrë, madje kjo fryrje nuk është e përgjithshme, por në një zonë të caktuar.
Tkurrja e gjirit
Gjoksi ka tendencë të tkurret derisa edhe të zhduket pothuajse tërësisht, ndërsa vendin e tij e zë një ind yndyror, i cili e bën prekjen e zonës ku ai ishte më të lehtë, sepse është i butë dhe homogjen. Ky është një problem i cili shfaqet kryesisht pas menopauzës.
E kruara
Bëhet fjalë për një shqetësim që mund të jetë një simptomë e të dy llojeve të kancerit të gjirit: karcinoma ductal dhe karcinoma lobulare.
Në qoftë se gjatë vetë-ekzaminimi ju konstatoni një nga ndryshimet që u përmendën më sipër duhet të drejtoheni menjëherë te mjeku specialist.
